وده اللي بنقوله دايماً علشان نصبر نفسنا او نداري عجزنا وخسايرنا.
رغم اني اتمنى انها تيجي هنا وتقرا الكلام او تعرف اني هنا وتتابعني لكن اعتقد حتى لو عرفت مش هاتقول ليا انها بتقرالي
.
بقيت بافضّل الوِحدة بشكل زايد
بافضّل اني اقعد لوحدي على اني اكون في محيط بشري مايفرقش عن الوِحدة غير الظاهر بس
اغلب الاوقات باضيق بالجلوس الى البعض او الى ناس مش قليلة حتى لاحظت اني بافضّل اني امشي لوحدي كمان
مش عارف ايه الحلو في الوِحدة لكن المساحة الشخصية بتكون فيها اكبر
يمكن هي اللي ممكن اسمح انها تشاركني وحدتي بس اتمنى اننا مانكونش سوا ولوحدنا في نفس الوقت
.
