May 2013
"كل شيء بوقته حلو"
طايب ومين قال انه “وقته” ده ما عدّاش مننا واحنا لسه مستنيين
؟!
واللا مبالاه اللي كنت بأعيّش نفسي فيها علشان اعدي...
مابقيتش حاسس بحاجة
..
مفتقد البعض هنا. الداش فيه ناس غايبه
عالعموم يارب يكونوا بخير
..
هو في فرق مابين الحب والتعلُّق ؟
Anonymous asked: بيبقى في وقت الكلام بيكتر جوانا بس مش بنقدر نتكلم , يمكن بيبقى عندنا لا مبالاة بالكلام , يمكن كم التساؤلات اللي جوانا بتعصف بينا , يمكن منعرفش اول الخيط فين , يمكن امنا بالكلام قبل كدا وقلناه بس الناس اللي كتبنالهم الكلام اتضايقوا من كلامنا , يمكن حسينا انهم قريبين وهما ميعرفوناش اصلا ..يمكن كلامي ملوش علاقة ببعضه ..
Anonymous asked: احسن حاجة انك بتعرف تكتب , بتخرج اللي جواك من غير خوف ,دي نعمة ..
لاحظت مؤخراً ان عندي نقص في ثقتي بنفسي. باحتاج في حاجات مش قليلة لتدعيم نفسي بغض النظر عن مدى تأثير الرأي الآخر عليا
باحاول اتعلم ارسم كويس بس لسه في البدايات وقدامي مشوار
باستغرب على بعض البنات اللي بتدافع عن “حقها” انها تشتم وتستخدم الفاظ زي الولاد وبالادق التخلص من وصف المجتمع ليها بإنها مش كويسة لانها بتشتم او بتشرب سجاير او حاجات من دي لكن شخصياً شايف اني كولد فمش من حقي اشتم او...
ماعتدش باهتم بنفسي
.
1 tag
الاسبوع ده ماروحتش البيت علشان ماما مسافرة فبالتالي هاقعد انا وبابا لوحدنا وماحدش هايعملي اكل وكده وبناءاً عليه قررت افضل في المدينة لحين رجوع امي بالسلامة لان المدينة عالاقل فيها اكل كل يوم والحمد لله:))
1 tag
الفترة اللي فاتت بقيت باضيق بسماع كلام الحب في بعض الاحيان الغير قليلة
بحس بقدر من الابتذال وعدم الصدق بينفرني منه
وده يرجع اكيد الى الحالة اللي الواحد فيها
..
2 tags
اقف في شرفة غرفتي بالمدينة الجامعية احادث احدهم في فكرة جديدة ارغب في تنفيذها منفعلاً جداً في الشرح مع قليل من الاعجاب بتلك الفكرة والحماس لتنفيذها في اقرب وقت حتى لا يضيع الحماس واذا بي انظر الى الشارع اجدها تمر بصحبة اثنتين من زميلاتها. استمر في الشرح معلقاً ناظري عليها الى ان غابت عن الرؤية. اعتبرت ذلك علامة جيدة وبعض من تشجيع
اقف في احد الشوارع احادث صديق لاعلمه بما تم الاتفاق عليه او بالادق...
مثير للشفقة
.
الحب صورته الطبيعية انه يكون مابين اتنين
وعلشان كده لازلت مقتنع ان مافيش حاجة اسمها حب من طرف واحد وتستحق انك تحافظ عليها يمكن بيكون الامل ان الآخر يبادلك نفس الشعور. لكن طالما مافيش شعور في المقابلة يبقى لا داعي لاستهلاك النفس في مشاعر اشبه بالوهم
حتى لما الاتنين يكونوا بيحبوا بعض بس مش قايلين لبعض او مش بيقربوا باسم الحب ده بيبقى في شيء ناقص بيبقى محبة ناقصة بتبقى مُجهدة برضه
الحب هو اتنين...
الوقت والانتظار والكتمان كفيلين انه يفقدوك الشغف بالاشياء
فقدت معظم مخزون الانبهار اللي كان عندي. مابقيتش بانبهر بحاجة تقريباً
السيطرة عالمشاعر علشان ماتزيدش بتأثر سلبياً على غيرها فبتلاقي ان كله عندك بقى قليل. الحد الاقصى للحاجة بقى يشبه حالتك العادية رغم انك كنت عايز تسيطر على شعور المحبة وقتها لكن باقي المشاعر اتأثرت تباعاً بقصد او بدون
كنت باكلم واحد صاحبي قلت له الغلط مش بيطلع لوحدة لا ده...
2 tags
She isn’t caring.
وعشان كان اصلاً بيحبِك كان خايف يوم يجرح قلبِك
.
1 tag
بتخبي عيونِك ليه عنّي دانا تايه فجمال النني
.
باستنكر غيبتِك باستنكِر لو بينّا محبه ليه ننكر
.
مكتوب عليك تدوق مع المحبة كتير غياب
كتير حنين وياه وجع
.
1 tag
الحب هايبقى بمثابة ضَعف ومذلَّة لو بتحب حد مش بيبادلك الشعور
رغم اني اتمنى انها تيجي هنا وتقرا الكلام او تعرف اني هنا وتتابعني لكن اعتقد حتى لو عرفت مش هاتقول ليا انها بتقرالي
.
بقيت بافضّل الوِحدة بشكل زايد
بافضّل اني اقعد لوحدي على اني اكون في محيط بشري مايفرقش عن الوِحدة غير الظاهر بس
اغلب الاوقات باضيق بالجلوس الى البعض او الى ناس مش قليلة حتى لاحظت اني بافضّل اني امشي لوحدي كمان
مش عارف ايه الحلو في الوِحدة لكن المساحة الشخصية بتكون فيها اكبر
يمكن هي اللي ممكن اسمح انها تشاركني وحدتي بس اتمنى اننا مانكونش سوا ولوحدنا في نفس الوقت
.
على استعداد تام اعمل اي حاجة تخليني اشوفها بس تكون مؤكده مش احتمال اشوفها واحتمال لا لان اللاحتمالات فيها بعض من خذلان.
باتسائل اذا كان تفكيري شبة المنطقي في الاشياء واسباب حدوثها هو اللي واقف عقبة في طريق التخيُّل وكده لاني باعاني من مشكلة في التخيُّل
؟!
الفترة القادمة اعتقد اللي بعد انتهاء الدراسة ان شاء الله نفسي ارسم حلو اقرا اكتر اكتب قصة واتخيل اكتر واتعلم لغة جديدة
الحقيقة ان ميولي الدراسية مش قوية
كنت باكلم واحد صاحبي قولت له احنا التعليم ده مهما كنت مش بتحبه فهو لاجل الجانب المادي من الحياة وممكن تعمل اللي بتحبه الى جانبه لان في اغلب الوقت اللي بنحبه “مش بيأكل عيش” وعليه مش هاينفع تعتمد عليه خصوصاً اننا لسه مارسيناش بنحب ايه...
بعد صلاة العشا بنت سورية صغيرة اعتقد في سن اما اواخر المرحلة الابتدائية او بداية الاعدادية
واقفة قصاد باب المسجد وبتقول ” تقبل الله منكم يا أخوان. أسرة سورية بحاجة للمساعدة” البنت جرئية ومش خايفة ولا منكسرة
أبطال حقيقة ربنا يفك كربهم
..
فكرة الارتباط بالصورة الحالية واللي المادية بتاخد فيها أولوية كبيرة قد لا تقل عن اولوية المشاعر بل تزيد في بعض الاحيان مُجهدة
هو الفكرة عموماً وحدها اصبحت مُجهدة شوية بسبب ان المجتمع بيبالغ في تصوير الامور يمكن رغبة منه في التحذير او توصيل فكرة مُكبرّة شوية لكن بتؤدي احياناً الى الحذر وبعض الرهبة و التخوّف واللي مش بيكون مقصود بس بيحصل احياناً
المجتمع بيقول مسئولية وماعرفش ايه وتقييد للحرية...
كلام الناس بيفرق ودي حقيقة ومش سهل نتجاهلها
طول ما انت بتعمل حاجة غالباً بتلاقي نفسك بتسأل اللي حواليك في رأيهم او هما بيعملوا او هايعملوا ايه كنوع من تقييم اللي بتعمله وطمأنه لنفسك في نفس الوقت
احياناً في حاجات بنعملها رغم ان الغالبية بيكونوا ضدها لكن احنا رغبتنا بتكون قوية فيها بس البعض بيفضل يمدك بطاقة سلبية لحد ما تلاقي روحك استسلمتخاصة لما تكون الطاقة السلبية دي من ناس قريبة منك وفي نفس...
رغم طول لوقت اللي باقضيه هنا وسهولة الوصول في اي وقت الا ان معدل كتابتي قل عن زمان بقدر ملحوظ
مافيش سبب واضح يمكن قلة رغبة في الكلام ولاني لاحظت ان الكتابات بقيت شخصية بزيادة ومابقيش فيها تنوع زي ما كانت مسبقا
.
1 tag
ممكن اشرب اي حاجة مع الجنزبيل
.
لو الكلام مش بيتناول مشاكلك واللي حابب تتكلم فيه هايبقى سطحي
ولو حد من الناس البعيدين عنك حاول يكلمك في مشاكلك بتبعده وتتهرب منه
لذلك اغلب العلاقات بنشوفها سطحية
حتى القُريبين ساعات مش بنحكيلهم بعض الحاجات الخاصة والعميقة
بنبعد الناس عننا وبنشكي من ضعف العلاقات
الفترة الحالية ما بقيتش عارف افرّق مابين ماهو عميق وماهو سطحي لاني لقيت ان مايمكن الحديث عنه كله يقع تحت تصنيف سطحي لكن الحاجات...
احياناً بنكتب بوست علشان بس حد يكلمنا
واحياناً بنكتب لناس عارفين انهم مش هايقروا بس بيكون نفسنا انهم يقروا اللي كتبناه لهم
.
1 tag
مصطفي كلمني من يومين علشان ينصحني وقال لي لو عزت اي حاجة ابقى كلمني
مصطفى من الناس اللي باحبهم وحسام كمان
حسام يتصل يطمن عليا رغم اني باستندل ومش باتصل
ربنا يباركلهم
..
الفترة اللي فاتت لا حظت اني باضيع وقت كتير على شبكات التواصل الاجتماعي وخصوصاً بعد ما رجعت تويتر والفيس
يمكن المشكلة تكمن في اني لوحدي كول الوقت تقريباً فباستعيض عن التواصل مع الناس بالافتراضية ولو جزئياً
فبعض الاحيان بيكون التواجد الافتراضي ممل جداً
ملاحظ ان الليل تقريباً كله بيضيع في الجلسة امام الايباد على تمبلر وخلافة رغم قرب الامتحانات وضيق الوقت
بافكر ان الوقت اللي باقضيه هنا احاول...
شغل البال ده حاجة مُقرفة
وما يتبعة.
1 tag
حرام عليكي :/
2 tags
عايز لما اخلص الكلية اجيب عجلة اروح بيها الشغل والمشاوير
وكمان لو اجيب كاميرا بس الميزانية تعبانة شوية فممكن نجيب موبايل بيصور حلو مؤقتاً لحد ما تُفرج
..
هي زارتني امبارح في الحلم برضه بس ماعرفش اقول لها...
والغريب اني اليومين دول بأحلم بناس من تمبلر رغم...
!!!
بطلت تقريباً انشر شعر او كده لما باكتب
مش شايف انه ليه لزوم
رغم اني باحتاج حد يقوللي رأية لكن ماحدش فاضي لحد
..
Anonymous asked: what makes you happy?
رؤيتها كفيلة بجعل الأحوال أفضل
.
بعمل مقارنة بسيطة ما بين اهمية الرحلة عن النهاية واهمية النهاية عن للرحلة نفسها
ممكن نقول بمثال ان الجنة هي النهاية المرجوّة يبقى الرحلة مش مهمة بقدر النهاية لو فاضلنا بين الاتنين. دنيا وجنة ومافيش مانع ان الدنيا تمشي حلو ونستمتع برضه
مش دايماً الكلام اللي بيقولوه التانين صح فماتاخدش حاجة كمُسلّمات. يمكن هو مر بتجربه خليته يقول ان الرحلة اهم من النهاية او المرجو منها وممكن الكلام ده يبقى مظبوط...
